F今日又有新搞作

講開又講,計下計下佢都有兩個星期冇打黎喇~今次佢又有新搞作,佢今次話:「喂,呢排點呀........」之類一咋開場白~正題就係:「喂,我呢排有medic問題呢請教下你呀,不如搵日出黎食飯再你啦.....」

佢呢個問題嚇到我呆左, 一時唔知點應對,只好同佢講呢個星期唔多得閒,下個星期再約咁樣......總之就麻煩啦~

大家又有冇咩野好提議,可以點樣對付佢呢?

好多年,真係好多年,未試過心情咁差,仲要係差足3日,仲要係差到3日都冇心情(或者係唔敢)出街

家中養左十年,陪我寒窗苦讀十年,CE,AL,OSCE....不計其數o既了哥,由星期一開始病了

見佢跳上支竹都冇力,見佢想食野,但係都好似coordinate唔到身體d肌肉o既樣子,真係十分心痛......心痛.......

除了心痛,亦都係無助,由上網搵料,到向2姨求救,到而家決定聽日去帶佢睇醫生,都係充滿無助......可能媽咪病左or珍珍病左,心情會舒服好多,因為都叫做讀過少少屎片,都讀得少少人o既病理,都會知道點樣treat,同埋最緊要係個prognosis~但係對於了哥,真係一無所知......

今晚明白得到,上帝要我學習得有兩樣:

1) 明白人o既有限: 有時叫做讀多幾年書,慢慢會覺得自己真係學左好多野,識得好多野,但係turn out係對於屋企一隻1kg都唔知有冇o既了哥病左,都係幫唔到佢.....

2) 明白病人家屬o既感受: 有時醫生真係唔會明白病人家屬o既感受,因為病o既唔係真係個醫生o既家人,同埋病人家屬對"病"所知唔多,相對醫生對病理十分熟識,因此對病o既恐懼亦因此少d~但係而家o既情況,我唔係獸醫,所以我真係唔知了哥o既病o既情況,so我就變返一個一無所知o既病了哥家屬了......

Anyway, 希望大家都幫幫手,為了哥祈禱吧!!