|
| 今日下午雷暴警報,但係都冇行雷,雨都冇一滴,仲容許我去打波! 不過都係一個假像,射左幾球波,隻衫已經濕到滴水,再同jeff鬥陣波,十分鐘都唔知有冇,已經有種唔夠oxygen o既感覺,好似o係喜瑪拉雅山打波咁樣 跟住去打機,發覺原來strike noir都可以同人單挑o既!! 仲可以挑嬴sword strike!! 真係要多多學習 講開又講, 點解而家真係冇人打波架?? 有冇人可以解答下呢個問題?? 之前睇一個電視節目,有個人話,佢屋企樓下個街場,以前夜晚要跟十幾隊,等個幾兩個鐘先有得打,但係而家就少人到有空場o既~ 城門谷又何常唔係咁呢.....以前中學時, 一放學就怒奔去霸場, 不過就算成功霸場, 打個幾鐘, d LST人就會黎,就已經冇得打......但係而家呢, 就算你3點打到6點, 想搵人鬥下場都唔係次次咁好采...... 咁多位後生仔,你地打下波好唔好呀!!! | | |
| 
執過下少少間房,終於搵左一撻安全d o既地方安放佢地喇 (安全d o既定義即係唔會咁易就整到佢地d槍又飛走左,手腳又又甩左) 相o既右下角果隻係一個lego醫生, 拎住個聽筒的, 十分之得意, 就好似送佢比我o既珍珍一樣咁得意~ 仲有一隻好抵買o既電鍍百式等ing我砌! 希望快d有足夠o既動力黎initial我去砌,otherwise, 可能過左幾年,再發覺有隻野未砌喇 不過今次應該會唔同d, 個動力應該會大d, 因為我發現左砌高達可以順便prepare下我第時o既career!! 嘿嘿!! | | |
| 今日o係酷熱天氣警告之下, 拎條命出黎,打左一朝早波;今日仲有久未露面終於回歸荃灣o既特別嘉賓博爺,心情異常興奮! 今日大家都妙語連珠,詳情請留意博爺o既xanga。 由於曬左一朝,整天都係呆下呆下,團契查經時都唔係好諗到野。 尋晚博爺o既一句:「你估你咩,第時都唔使諗自己做咩架啦」其實都聽過好多人同我講過,但係再加埋今日聽到弟兄姐妹對前路感到迷茫,即係諗起o係呢接近廿三年o既人生,真係冇乜點為自己o既前路而煩過,好似小學升中學,當所有同學仔同埋家長都lay晒o係個board度睇下自己升咩野中學o既時候,我只係平淡地行過,望下佢地,好似覺得佢地好傻咁樣,跟住就上課室,而早排媽咪什至同我講佢好似直情冇返去幫我睇board tim~ (說話有任何得罪,請大家見諒) ~ 諗左咁多咁多,都于禁要上帝說聲感恩,一直為左預備前路。 | | |
| 返聯合醫院o既日子, 係十分之開心,and學到好多野,但係真係好支力 好耐未試過,晚晚都12點幾就訓! 今日放假,都會冇啦啦7點幾醒左~ 跟住就開心地打籃球喇~ 講返正題先~
大家好,我係YK Law, 其實想講o既謎有兩個,希望請教下大家o既意見 謎一: o係二零零七年二月, 有一個化名叫F o既人生日,F打比我,約我一齊去慶祝,係去bbq, 但係係同埋F o既 fd, 即係全部我唔識o既; 去到呢步,都算ok,當陪人開心下and識下新朋友o者 個謎就係,bbq o既地點係o係西貢,但係F竟然約我o係TST, 話book左旅遊巴...... 不過我當時冇去到,唔知當時o既情況,所以,呢個係一個謎...... 謎二: 講返少少背景,F 係大學畢業接近兩年,一路做ing一份幾stable o既job。o係同佢認識o既3年當中,佢都應該打個over十次比我,但係每次都係約一班人出黎食飯果d, so冇認真同佢講過電話 但係自從二月之後,到而家為止,佢已經打左over十次比我; o係最近o既一個月,什至係每個星期一次 通常會o係星期六/日打黎 開頭都覺得ok o既,見佢都係關心下我,同埋想約大家一齊出黎食飯之類 但係就越黎越奇怪,之後每次打黎,都係話: 「喂,今晚有咩野做呀? 冇人同我食飯呀,一齊食飯啦」當你話唔得閒o既時候,佢就會話: 「咁牙,咁聽日啦,我聽朝踢波呀,一齊啦」之類o既說話,到現時為止,我已經推左佢都接近十次喇 o岩幾個字之前,佢就又打黎,我同佢講我訓ing覺(嚴格黎講,係就黎訓著), 佢問我知唔知S點解成日唔聽佢電話(S同我比較熟,而我之前亦同S研究過呢件事); 當然,我就話唔知點解S唔聽佢電話啦(其實我都真係唔知點解,因為我次次打比S都係一打就通)。最後,佢仲要同我講: 「乜你咁懶架,打完波就訓覺,唔好訓啦,出黎同我食飯啦!!!」 我只可以支吾以對..... 總結: F o係呢半年,突然做出以上奇怪o既行為,我家認為點解呢? 1) 突然覺得身邊冇乜朋友,想多幾個熟d o既朋友 2) 身患絕症,希望同朋友一齊,搭多d旅遊巴,享受餘下o既日子 3) 中左六合彩,想周圍請人食飯 4) 有好野(佢認為係好野),想推介比大家,例如.........etc 大家又有何意見呢? | | |
| 今日係第一日再去聯合醫院外科部呢個老地方,連個門診姑娘都認得我! 佢一見到我就話:「o衣,你返黎喇?」 跟住佢又係講一句我同我講過都幾次o既說話:「你o既眼神好銳利! 」 其實係咪即係話我好凶?? 雖然係老地方,但係搭車o既方法就有所改變。由於平好多o既關係,決定左係搭地鐵去,應該每日會平左>十蚊!!! Great~ 今日走o既時候,等地鐵,當然把握時間,打機啦! 當時就出左一個奇景,坐我左右o既兩個中學生都o係度打ing PSP~ 但係我地3個係唔識o既~ 果時都有d衝動想問下佢地玩唔玩gundam seed~ 不過都係冇呢個勇氣~ 其實大家都應該知道and發覺,NDS玩家係多過PSP好多 根據官方數字,NDS o既市場佔有率係去到70巴仙,而PSP只係20~30巴仙,即係只係NDS大約3份之1 NDSL最近仲要炒到越來越貴.....反而PSP仲有D減價壓力 但係個人黎講,真係feel唔到究竟NDS有咩野比PSP好..... 女士門都可以理解,NDS主要係mini game,容易玩 但係男士們呢? 又唔見得好多男士玩三國志呢d比較男性化o既遊戲,即係男士們都會以玩mini game為主 始終覺得,打機冇得玩下winning, gundam,唔算係打過機 講到低,主要原因會唔會係因為NDS玩download game比較易呢一個低等o既原因呢? 定係一個positive feedback? 當越黎越多人玩NDS,就越易搵到人連線玩,咁又會令到更多人玩NDS........少人玩PSP,就越黎越難搵人連線,就then都越黎越少新買家........講真我買左部機1個月,仲未試用過個WLAN,真失敗 | | |
|
